Asal Mula Singaraja

ASAL MULA SINGARAJA

            Nalika mbiyen ing Klungkung Bali, urip raja sing anduweni gelar Sri Sagening kang duwe bojo akeh. Bojo sing keri jenenge Ni Luh Pasek. Ni Luh Pasek asale saka Desa Panji lan keturunane Kyai Pasek Goblek. Nanging nasib Ni Luh Pasek apes. Pas deweke ngandung, deweke dikawinke karo Kyai Jelantik Bogol lewat bojone.

            Deweke nglahirke jabang bayi lanang kang duwe jeneng I Gusti Gede Pasekan. Sakwise gedhe, I Gusti Gede Pasekan diajeni rakyate ing Kutha Gelgel. Deweke uga wis dianggep dadi anak kandung Kyai Jelantik Bogol. Sawijining dina deweke wis umur 20 taun, Kyai Jelantik Bogol dhawuh menyang I Gusti Gede Pasekan supaya lunga menyang desa ibune.

            Ing lelakune, I Gusti Gede Pasekan dikawal 40 utusan kang dipimpin Ki Dumpiung. Ing tengahe wengi I Gusti Gede Pasekan ujug-ujug digendong makhluk gaib kang nunggoni alas mula banjur bisa weruh segara lan daratan kang amba. Banjur deweke krungu suara gaib kang ngomong wilayah iku bakal dadi kekuasaane.

            Biyunge nambah semangat kanggo I Gusti Gede Pasekan supaya ngelanjutake lelakune iku. Dene lelakune angel lan abot, akhire I Gusti Gede Pasekan bisa tekan tujuane kanthi selamat.

            Sawijining dina ing desa ibune ono prastiwa gedhe. Ana prahu Bugis sing mandhek rak iso mlaku ing Pantai Panimbangan. Tembene wong Bugis mau njaluk tulung marang nelayan ning kono, tapi ora ono sing iso. Akhire wong Bugis mau ngadaake sayembara yaiku marang sapa sing iso ngalakuake prahu mau bakal diupahi setengah muatane. Banjur I Gusti Gede Pasekan njupuk pusaka warisa Kyai Jelantik Bogol. Ora suwi metu makhluk halus lan nuruti prentah I Gusti Gede Pasekan.

            I Gusti Gede Pasekan dadi makmur lan ganti asma dadi I Gusti Panji Sakti, lan ndirikake kerajaan ing daerah Den Bukit. Sekitar abad ke-17 ibu kota kerajaan iku kasebut Sukasada. Tambah dina kerajaan iku tambah gedhe lan makmur terus didirikake kerajaan anyar ing lor kutha Sukasada. Sadurunge dadi kutha, ing daerah iku akeh wit buleleng. Mula pusat kerajaan anyar iku kasebut Buleleng. Ing pusate didirikake istana kang megah sing kasebut Singaraja.

                                                                                    TUTIK NUR FAIZAH (23/9A)